Сарын архив: June 2024

Өчигдөр Сүхбаатар дүүргийн Онцгой комиссын ээлжит хуралд болсон. Хурлаас өгөгдсөн үүрэг чиглэлийн дагуу Засаг даргын Орлогч М.Алтангэрэл, менежер Э.Чинзориг, Онцгой байдлын хэлтсийн дарга Д.Бэхбаяр, Сүхбаатар дэвшил ОНӨААТҮГ-ын захирал Б.Амгалан нар үерийн эрсдэл үүсч болзошгүй, өмнө жилүүдэд үүсч байсан байршлууд болон одоо хүчитгэн барьж буй хамгаалалтын далан, суваг шуудууг сэргээн босгож буй байршлуудад тухайн хорооны Засаг дарга нарын хамт ажиллалаа.

Цаг уурын байгууллагаас ирүүлсэн урьдчилан сэргийлэх мэдээгээр ойрын өдрүүдэд хүчтэй аадар бороо орох төлөвтэй байгаатай холбогдуулан өнөөдөр дүүргийн Онцгой комиссын ээлжит хурал болов. Хурлын эхэнд дүүргийн Онцгой байдлын хэлтсийн дарга, хурандаа Д.Бэхбаяр “Нийслэлийн төвийн зургаан дүүргийн хэмжээнд үерийн эрсдэлийн судалгаа хийгдэж байна. Цаг уур орчны шинжилгээний газраас ирүүлж буй мэдээллээр энэ зун өмнөх жилүүдээс илүү хур бороотой байхыг анхааруулж байгаа. Иймд дүүргийн хэмжээнд болзошгүй үерээс аюулаас урьдчилан сэргийлэх чиглэлээр гамшгаас хамгаалах төлөвлөгөөг тодотгох шаардлага гарч байна.

Сүхбаатар дүүргийн Хөгжлийн жилийн төлөвлөгөөнд тусгагдсан үйл ажиллагаа, хууль, тогтоомжийн хэрэгжилт, иргэдийн санал, хүсэлтийг хүлээн авч, асуудлыг холбогдох хуулийн хүрээнд шийдвэрлэх зорилготой “Хөдөлгөөнт оффис”-ын үйл ажиллагааг 2017 оноос санаачлан хэрэгжүүлсэн. Өнөөдөр батлагдсан хуваарийн дагуу 12-14 дүгээр хорооны иргэдтэй уулзалт хийлээ.