Жил бүр уламжлал болгон зохион байгуулдаг Монгол Улсын Хөдөлмөрийн баатар, Төрийн шагналт, Ардын жүжигчин Д.Лувсаншаравын нэрэмжит хүүхдийн найрал дууны шилдэг хамтлаг шалгаруулах 29 дэх удаагийн уралдааны дүүргийн шалгаруулалт боллоо. Хүүхдийн найрал дууны шилдэг хамтлаг шалгаруулах энэхүү наадамд ерөнхий боловсролын есөн сургуулийн 540 сурагч оролцов. Эдгээрээс уралдааны тэргүүн байрт Монгол, Оросын хамтарсан 3-р сургууль, II байрт Логариф, III байрт 1-р сургууль, тусгай байрт 2-р сургуулийн найрал дууны хамтлаг, “Шилдэг удирдаач багш”-аар 35-р сургуулийн хөгжмийн багш Б.Мөнхдэмбэрэл нар тус тус шалгарч, дүүргийн Засаг даргын өргөмжлөл, мөнгөн шагналаар шагнаж урамшууллаа. Уралдаанд эхний 3 байрт шалгарсан найрал дууны хамтлагууд энэ сарын 17-ны өдөр зохион байгуулагдах II шатны шалгаруулалтад оролцоно. Хүүхдийн найрал дууны уралдааны шилдгийн шилдэг хамтлагууд Нийслэл хотын 384 жилийн ойн нэгдсэн гала тоглолтод оролцох юм.
